من جديد ...!!

من بكرة ... لأ

من النهاردة .. برضه لأ

من دلوقتي .. أيوه من دلوقتي

هبدأ المشوار صح - بإذن الله -

انتهى الراوند بتاع ( الأنف والأذن والحنجرة ) من وجهة نظري باتقان لايتعدى 75%

ولكن لن أدع ( طب المجتمع ) أن ينتهي كما انتهى سابقه .. بل أفضل بإذن الله

أسيبكم بقى عشان أخش أنام .. وأصحى أبدأ تاني من جديد

ومش هزق من كتر البدايات

وإن شاء الله .. هخلي حياتي كلها بدايات

BACK ...!!

الحمد لله امتحنت مادة ( المنخير والودان والحنجرة ) على خير


بس بجد الامتحان كان امتحان سرعة ... مش امتحان طبيعي


يعني ايه الشريحة معاك لمدة 30 ثانية ..!!!

دي هفتكر فيها ولا هفكر فيها ولا هكتب ولا هعمل ايه بس !!!

بس استفادت حاجة غريبة أوي


إننا لما بنكون تحت ضغط ... بنبدع جدا .. مش بنبدع بس


يبدو أننا لا نسير إلا بـ " الدكتاتورية " العصماء ..


بس اكتشفت حاجة أهم كمان .. إن دي حاجة قديمة :(

أشوفكم على خير بإذن الله

لسه مش حاسس إن عندي امتحانات كمان كام يوم !!

والمصيبة الأعظم .. إني عارف اني هتزنق بشكل سيء لو مبدأتش من كام يوم فاتوا

عارف انكم مستغربين إني ازاي قاعد لغاية دلوقتي وانا بقول الكلام ده

هقول لكم وبكل بساطة إني بجد لسه مش حاسس برهبة الامتحان

بعض الناس هتتوقع إنه امتحان تافه أو كده ..

ولكن ده عليه 20% من المادة تقريبا .. 40 درجة من أصل 200 ..

رحت قعدت امبارح مع واحد صاحبي عشان يحسسني ان الامتحان قرب ..


وخصوصا إنه معروف بتوتره الشديد الرهيب قبل أي امتحان ..

ولو حتى مكانش عليه درجات

والفاجعة ..

إنه كمان عامل زي حالاتي ..

مش حاسس ولا متوتر ولا أي حاجة

ساعتها اطمنت على نفسي جدااا ..


وبطلت أقف قدام المراية وأقول :

( أنا عندي امتحان .. أنا زي البومب )

وقررت أدخل الأوضة " الكئيبة " إلى قلبي .. لتعلقها بالمذاكرة

رغم إني أضفت عليها الكثير من المحسنات البصرية والسمعية

عشان أستحمل

هل كل ده ممكن يكون بسبب اني مش حاسس بقيمة المعاناة

اللي بيحس بيها الخريجين أصحاب " التقديرات المنخفضة " ؟!

وايه الحل يا ترى عشان أحس بيها - من غير ما أجربها - ؟!

هستناكم بعد الخروج من تلك الغرفة .. 9 أيام بس إن شاء الله

وياريت محدش ينساني في دعاؤه ..


في رعاية الـله

عقبالكم كلكم

عقبالكم كلكم ......

وعقبالي

منتظرين الدعوة يا أخ ..

الدهاشنة ..!!

Kk (14)
Uploaded by monempress

سربرنتيشيا ..

حسبي الله ونعم الوكيل

يادي القرف ..!!

انا اللي رضيت إن ده كله يحصل

ولازم أنا برضه اللي أصلح العك ده

ولو متصلحش .. الموضوع هيكبر زيادة عن اللزوم

إحباط بعنف .. نتيجة خطأ كبيييير

لم أكن أتخيل يوما أن أجد بعض الرموز تتكسر أمامي بشكل بشع

لم تكن تتكسر ... بل تتحطم

أم أنني أخطأت في اختيارهم كـ " رموز " من بادئ الأمر ؟ ..

حسبي الله ونعم الوكيل